و الله نفسي اعرف بجد منين بيودي على فين...عمرك سألت نفسك و بعدين؟؟؟
ايا كان اللي بتعمله ..شغلك و لا دراستك و لا حياتك اللي ماشي فيها...اخرها ايه ؟؟؟
هتفضل تعمل اللي بتعمله ده طول عمرك؟؟ ايه الهدف منه يعني؟؟مستمتع بيه و لا مجبر...
ساعات بحس اني مستمتعه بحياتي لدرجة اني حتى بدأت ارفض انه حد يشاركني فيها..
اول مره من سنين طويله اعيش من غير حب...
احساس مؤلم لأني فقدت الشئ الأساسي في حياتي ...فقدته بطريقة درامية و مفاجئة يعني...يمكن ده اللي خلاني ما افكرش في حد تاني واستمتع بالحرية الاجباري اللي انا فيها...
بس بقف كتير اسال نفسي و بعدين ؟؟ شغلي ماشي تمام و حياتي كويسة و كله حلو...
يعني هقعد اشتغل اشتغل اشتغل و بعدين...بفكر لما اكبر في السن هندم يا ترى ؟؟ هحس في حاجات كان المفروض اعملها و ضيعت الوقت و الفرصة؟!
عملت ايه الناس تفتكرني بيه بعدين...
و هو اصلا مهم انه حد يفتكرني بعدين؟؟ و لا المهم اني اعيش حياتي و بس..
عيشت بجد و لا بقيت ترس في آله و خلاص على كده...
يا ريت حد يقولي منيـــــــن بيودي على فيـــــن
4 comments:
اغلبيتنا كده زيك
بس انا بحاول استفيد من كل لحظه فيها
بتستفيدي ازااااااااااي بقى ...سؤال بيطرح نفسه
سيدتي
اولاً الإحساس بالوحدة المتولد من الشعور بأنك لوحدك في الدنيا شعور مؤلم بجد
وبالتالي لازم يتولد منه شعور آخر بعدم الرغبة في الوصول إلى شئ محدد بسبب أن الهدف الرئيسي غير موجود أو غير محدد
لكن بصراحه لو انا عندي هدف أطمح إليه سأسعى جاهداً وبكل ما أوتيت من قوة إلى تحقيقه . وفي النهاية دي وجهة نظر
تقبلي فائق تحياتي
يسعدني زيارتك لمدونتي
شكرا سيد حسام..الحقيقة الموضوع ده كان قديم شوية و حاولت استرجع كان ايه سبب ضيقي بالظبط و افتكرت..
الحمد لله الوضع احسن حاليا و تخطيط المرحلة دي من زمن..
تحياتي
Post a Comment